今年七月便迎來自己48歲的生日, 本命年, 犯太歲. 以往不信命理沒有理會, 人到中年不得不信命, 今年初批家事煩, 悶氣沉沉利外遊散心和搬屋, 家中長輩會突然入院.
好的唔靈醜的靈, 父親突然入院做微創手術, 幸好恢復良好, 妹妹又收到要轉院通知, 要四處奔波, 人到中年到了近50歲, 真的開始覺得力不從心. 整天都覺得累, 停了PART TIME, 睡多了也是累.
移民的事也冷下來, 表妹不去了, 舅父母居然亦回流香港. 朋友走的走, 只剩下自己孤伶伶的. 之前報左考車, 延遲了1年, 還是要硬著頭皮學, 沒有天份唯有上多點堂補救, 每次上完堂都出一身大汗, 有虛脫之感, 中間又病, 甩左2次師傅底, 自己也不好意思.
不知是生活無趣, 還是抑鬱的老毛病又犯了, 總覺得時間過得太慢, 拖著這又老又胖的殘軀食之無味, 棄之可惜.
今年四月決定想移民, 面對人生如些大的決定, 都想睇下師傅問下前程. 本來想睇楊師傅, 但佢太多人排隊, 等了9個月還是要等, 唔知等到幾時. 在炒散同事下介紹另一女師傅, 見佢費用好平, 胆粗粗就46歲人生都過了一半才來算命.
她的辦公室在旺角一商業大廈, 是一間很小的房間, 她是一個大約六十歲左右的婦人, 長髮做指甲, 談吐都很斯文. 她是即是批命, 問你時辰八字然後在一張本身印有中國年份(e.g. 丙辰年)的紙, 在旁邊寫上你當年的歲數, 再在年份上打交叉代表你那年運程並不好.
六十年一循環, 以下都是不好的歲數:
5-10歲 (小學階段, 成績唔好, 唔鐘意返學)
16-17歲 (中四, 中五:母親患癌並去世）
20-23歲 （在那間公司做了３年， 辛苦得黎錢又少， 上司又唔鐘意自己）唔利學業身體
26-27歲
29歲 (學位讀程讀得辛苦, 搬劏房, 但都好憂鬱)
32-34歲 （讀輔導這幾年好忙, 好辛苦)
36-37歲 (期待所謂命中注定的人出現, 原來都係食白果)
41歲 (2016年有個衰女上司, 日日返工俾人插, 想裸辭)
44-47歲 (2019社會運動, 疫情, 兄長反目, 股票勁蝕, 妹患癌) (2019的運麻麻地, 2022年宜守不宜攻)
53歲
56-58歲
65-70歲
76-77歲
80-83歲
計落好同唔好運係各佔一半
火命, 夏天出世, 五行木火土金水, 缺金 (缺金個人會被動D, 諗多過做)
大利西南金火, 不利東北木水 (偏偏今年賣了西南的樓, 租了東北的樓)
方位利西南(美國星馬泰澳洲都岩你, 英國都岩)
1) 幼運平平, 小康家庭
2) 幼年體弱不利身體學業
3) 兄弟不全(阿媽落過小產過), 兄弟無助, 不可合作
4) 有異父母(細個長輩湊你, 阿爸有女人)
5) 為人傳統, 顧家, 責任心重, 守信用, 刻苦精神
6) 專長土性(地產, 屬土鐘意食野) , 權力慾重(鐘意話事), 做事不喜別人管, 鐘意自己做自己野, 有自己意見, 唔鐘意俾人head 住) 重實際
個人無乜所謂, 忍到你都忍,
7) 比較被動, 重成功感, 勝利慾心, 會做到最好, 唔係咁計較錢銀, 重實際但唔係見錢開眼
商界忌做老細, 個人唔夠狠
8) 家庭心重,顧家
非事業女性唔係咁大野心
將勤補拙, 肯捱
半文職岩你, 坐下企郁下的工
10) 適宜做金土行業, 電訊係金, 利土的人可以買樓收租
行政, 政治, 管理都係土
地產飲食都係土
教育, 輔導都係土
唔好炒股票, 你懷舊唔願郁, 坐左係度, 股票係流動架嘛, 買實金就得, 楂住張紙就唔得
股票唔岩你, 尤其呢兩年小心D
可以帶玉器, 珍珠, 鑽石
12) 帶戒子, 左手中指, 鏈咀,四方型, 啤梨型,
13) 利金, 金性事業, 銀行, 電腦, 機械都係金
電訊岩你
火鐘意研究, 學返D金土的野, 舊好過新
15) 紅黃白色都岩你
16) 忌水(不宜游水)
落大雨大事不宜
水主交際
17) 忌木, 木性忌投資, 無乜賭運, 唔好做木的生意
一生木性駛錢多, 木係衫褲鞋物化裝品
忌打波, 球類運動
18) 行雷閃電唔好靠近樹木
19) 一生謀事利夏秋, 春冬大忌用
20) 平生貴人: 肌肉型鼻唇有肉, 面小而白;
21) 忌面長高瘦, 面圓而語快
22) 平生先天體質肺弱
肝胆弱忌酒精,
腎骨弱, 腰骨痛
23) 35歲後有桃花, 45-48後亦有, 之後要等到53歲,
27) 35歲後家運低落, 自己辛勞
28) 45歲後亦有機會
30) 55歲子女有助力
忌與夫分隔
32) 丈夫受歡迎
33) 83歲心肺之疾而終
34) 旺丈夫, 對自己好, 子女成才賢孝
35) 鐘貴人, 姓氏帶有土有金者
36) 住宅宜山林區山腰山腳
38) 住宅宜帶備如火百合,
39) 住宅宜東南方
40) 住宅宜中層, 忌山頂
41) 住宅床頭西南
2022年除了股票跌到趴街繼續坐艇, 4月時決定移民, 6月賣樓, 今天7月4日收到大訂, 同日卻收到妹妹懷疑患癌消息, 喊到眼都痛. 政府醫生睇完超聲波唔夠2星期約家人睇報告就心知不妙, 今日見就是要簽抽取組織授權書.
妹妹是住在院舍的弱智人士, 我是她的授委人, 作為授委人要做好多決定生死的決定, 精神壓力好大, 院舍姑娘都好好, 知道我一個人食住咁大壓力, 都好關心我有沒有人一起承担這個天大的壞消息.
其實真的不知告訴甚麼人, 父親....可以暪就暪, 他年紀大心臟不好怕他承受不了, 阿哥反目3年不見, 他也20多年沒有見這個妹, 講黎都無用. 朋友....也沒有特別的好友可以說這些沉重的事
第五波疫情持續, 這個星期卻來個股市V型大反彈, 由20000點急跌到18000點, 再夾個"谷底"反彈由升20000點. 阿爺話撐市, 騰訊亦由300升返390蚊, 1日之內, 係咪痴線?
之前20000點己入左好多貨, 跌到18000點真係心都碎埋, 邊仲敢入貨? 所以呢年都係摺埋心水, 唔好再買, 蝕少D都當賺.
明明楊天命運程書都叫(火弱)呢頭半年投資運不佳, 卻見住跌市仲敢入市, 係咪自己攞黎? 投資教練都成日叫保持現金, 但自己都係跌少少就急住入貨, 點知今年3月個市係跌到10年最差, 蝕左幾十萬!!!咁就蒸發左自己一半現金, 唯有坐艇唔知坐幾耐.
Copy 一下引以戒
香港疫情來到第5波, 確診人數由1000至現在的3萬, 又要全民檢測又話要禁足, 由2020年初的搶口罩搶厠紙, 到今天的搶糧搶菜搶雞蛋. 由農曆新年至今都是work from home, 己經超過1個月了.
香港己經夠亂, 俄國此時入侵烏黑蘭, 誰知各國(除左某些國家)都出來撐烏黑蘭, 連一向中立的瑞士都話要凍結普丁戶口.
另一邊廂, 今日又聽到又一個同事全家移民加拿大. 我個心好煩, 好煩, 好煩.
以前成日話想移民(2019年後), 又無錢投資又專業資格所以其實都係9up, 笑稱話一係去阿魯阿圖, 一係揾個金山阿伯. 2021年英國送出BNO VISA, 加拿大澳洲亦出讀書移民計劃, 都真係有個機會埋黎時, 我又猶豫了.
1. 如果要移, 我係一個人, 而我己45歲, 單身, 雖大學畢業, 但英文會話水皮, 外地沒有親朋戚友
2. 錢, 無錢又唔係好無, 但其實移民(英國)係唔夠錢買樓, 要移就一定要賣左層樓, 最多套現得200萬, 而家移民潮有樓都賣唔出
3. 大陸層樓又係賣唔出 (大陸樓市仲衰過香港)
4. 香港股市又係仆直
5. 手持現金只有50-60萬
唔賣樓都唔駛諗移民, 因為就算唔賣香港層樓(唔好理係咪過左英國先賣層樓要交幾多稅), 諗住租俾人幫手供住樓都無可能, 因為而家無人租樓, 而我無可能過左英國仲有錢供香港層樓.
香港咁亂, 看別人移民環境好, 好妒忌, 好不安, 又亂食又多野, 又肥又糖尿高!
衰老的過程又多一樣, 就係牙, 本身自覺牙力幾夠, 喜歡吃靱及硬的東西, 所以之前都有牙裂而要用牙冠, 再再加上本身咬合及出現磨牙問題, 己經開始用敏感牙膏及帶牙膠來保護牙齒, 除擦牙外還用上牙線.
可是近這一年發覺咬一些靱的肉會感到牙肉酸軟, 吃熱東西也覺得刺刺的, 再加上用沖牙機右上邊牙會敏感痛, 吃東西後常覺得食物常攝在牙逢, 於是趁洗牙時照X光片看一下是否有蛀牙.
我的牙肉是粉紅色, 刷牙也沒有流血, 但是牙逢變大, 不是因為牙肉, 是因為牙槽骨下降!!!!我接受不了我刷牙己經很仔細怎會這樣? 她說"隨著年齡的增長"......又叫我可以檢查一下有沒有骨質疏鬆!!!
上個月月經又缺了一個月, 種種迹象都是不停地刮我臉說, 你又老了(一步).
上次因為出酮疹太太太癢停止生酮, 結果就是回歸放縱, 又重回72KG的身體, 又回到出濕疹, 失眠, 連經期都幾乎要同我say goodbye, 看著身體檢查報告, 糖化血色素己經去到7, 三酸甘油脂又係超成倍, 個人又係脹到衫都緊埋, 唯一解救方法就是回歸生酮.
首先最重要係睡眠沒有中斷, 可以連續瞓6個小時. 食澱粉時晚餐會好快攰, 10PM瞓左12PM就醒左, 醒左精神結果3-4AM才瞓, 瞓到3-4小時又要起身返工. 雖然總共都係瞓6小時, 但中斷與否係爭好遠.
第二, 就是食澱粉(當然係食薯片呀, 公仔麵呀這些垃圾食物)塊面又出現脂溢性皮膚炎, 下巴位出現一撻又乾又油又痕的斑塊, 戒返澱粉立即好轉
年多前出現經期延後, 喝了中藥過了3天經期就來了, 年多來像相安無事, 但今年上次經期不來延後10天, 喝了中藥也沒有經期, 剛巧有預約了做體檢(要驗尿)便沒有再去覆診.
覺得奇怪經期就這樣無聲無息就沒有了? 這兩次應該經期的日子是有經痛, 便秘, 長暗瘡, 但就是沒有排經血, 就怕起來直接去看婦科西醫. 醫生說你這個情況是來經期(雖然沒有經血, 或經量只有血絲). 我說需不需要吃調經藥? 他說吃藥是可以有經血, 但這都是"假經期", 而且既然沒有太大的不適, 不建議服用荷爾蒙, 因為有報告指服用荷爾蒙(吃了5年以上)會增加患癌風險, 這不如留返額將來更年期有不適時才用. 除非出血異常(量多, 或不止)才要服藥.
就這樣了.....查了點資料, 想吃點東西進補, 服用消遙散和桑椹, 就有排經血了 (好在!)
發現原來有樣東西叫"暗經", 指女子有經期不排經血仍能懷孕(指開始就未曾有經血, 而不是指由有變無)
又到生日, 像我這孤獨的人也是照常的返工, 多買點零食回家當慶祝, 當天看了[當男人戀愛時], 過著過著又到45歲了, 對於45歲的概念好奇怪的, 怎麼就到了這麼大的歲數呢? 其實感覺又點恐佈的....我以為到了一定的年齡心境係會到另一個層次, 但我發覺其實沒有甚麼大的分別, 甚麼40而立50不惑.....如果45歲就老了, 那麼我的老多幾多年才到死亡? 我覺得生活很乏味, 每天都COPY & PASTE, 只想可以快點中六合彩不做這份乏味的工作, 其實這份工人工還可以, 還可準時放工, 但就是後乏味, 想不到其他形容詞來形容...或者乏味其實是我個人吧!
終於明白甚麼叫中年危機....20年前這個題目很熱門, 中年出軌, 中年轉職...現在?可能這個世界太亂世, 只求生活生存也沒有閒情談這些風花雪月的事. 所以也沒訴苦, 也沒有訴苦的對象.
2021年疫情未退, 仍然要戴口罩過日子, 年頭己取消work from home, 餐廳晚市又回復正常, 復活節假期不可以外遊, 到處都是人山人海.
生活苦悶, 假期也沒有約人(其實也沒有朋友), 5天連假中也交一份擦鞋報告, 浪費了一天, 不過養兵千日用在一朝, 義氣也要頂下去.
生活貧乏得很, 唯有自己照顧自己, 重回生酮飲食路線, 始終沒有成功減肥過(因基數太大, 由170減到155還是有40磅要減).
總結失敗原因:
-沒有實行168斷食, 有時吃了3餐, 或中間吃了零食(花生)
-沒有吃足夠油份
-吃過量蛋白質
-沒有足夠運動
-沒有充足睡眠
-沒有攝取足夠維生素, 礦物質
-可能碳水耐受性低, 要更嚴格控制碳水化合物
記錄一下:
體重: 70.65KG
體脂: 39.8%
其實2017年己經聽過生酮飲食, 大約2018年頭開似, 戒澱粉戒糖, 買了書, 也買了血糖血酮計, 也帶過餐盒回公司吃, 係瘦左大約10磅, 但係當你170磅減2個月都係減得10磅, 而家也幾麻煩, 也就不了了之.
轉眼又2年, 趁著WORK FROM HOME日子(一週只有2-3日返公司)就重啟生酮飲食, 但血酮試紙要重新訂, 這段時間又運得慢, 等足一個月才收到. 經過2年, 生酮的資訊更多了, 才發覺難怪之前血酮只有0.3, 0.4....(血酮要有0.5以上才叫生酮), 今次血酮有0.6以上, 但瘦得很慢, 原來要計算GKI, 即血糖值/血酮值, 即你係數值要維持3-9才能叫入酮. 發覺自己血糖值維持高水平, 即是空腹血糖永遠是6點幾, 即是糖尿病前期.
現在加上DR. ERIC BERG的視頻, 知道要加上斷食(16:8)和兩餐之間不要吃東西, 還有還有, 吃多蛋白質會有"糖質新生"作用, 今次是砍斷重練, 8月1日開始到現在1.5個月, 之前是165磅, 而在是154磅, 也只是瘦了10磅多點, 不過今次還知道有個set point theory, 即如果你有個體重維持了一段非常長的時期, 那麼身體是會盡量維持你這個體重(算是平台期吧?), 因為我有超過10年維持160-170, 所以現在154磅是10年新低. 要接受自己肥和難以減肥是因為胰島素阻抗嚴重, 唯有照著正確的方法慢慢減.
現在飲食除了肉和菜, 增加生酮烘焙使進食食物變多點元素, 另外也補充了電解質, 黃連素得維他命來對抗胰島素阻抗, 希望能打破這個set point!
雖然磅數應該還有一段長時間才能達到目標, (我的目標是至少130磅, 最好是120磅), 但至少現在空腹血糖由6.5-7下降到5.5以下.
年紀大了, 唔單止要靚, 重要健康!
 |
| 收防疫用品好過收花(保命要緊!) |
 |
| 今天網上在屈臣氏網購口罩的香港人達一百萬 |
 |
| 民意表態 |
 |
| 行過路過唔好錯過---買厠紙 |
 |
| 口罩升價10倍, 多個呃錢FB PAGE話買口罩就要留言, 要留得最多的係 2(盒)Thanks !, 而這亦成為香港"潮語" - |
 |
| 又係果句- 命仔要緊 |
