接近三十歲己經發現身體在衰退, 其實幾唔開心, 咁咪即係人係幾十年後都要面對不斷衰退囉!由當初開始發福開始(係不斷發福, 由一百二十幾磅肥到一百六十磅), 到身體皮膚敏感, 再到四十歲後的盜汗, 甚至尿頻, 甚甚至今個月剛出現的月經延後, 真係唔單止要認老咁簡單, 係真頭要睇醫生排除有無病(癌症)的可能.
三十年來的月經都很準時, 今年四十三歲今個月的月經己遲了十日, 睇醫生話我肝鬱脾虛血瘀(條脷紫色), 要俾補藥我食喎(好似係消遙散), 開左5日藥丸, 但係食左第2日都係未黎, 唉!(後記: 第3日終於黎啦~~)
講黎講去都係脾虛係根本, 睇電話話脾虛的人白髮集中在額頭, 我白髮好少得幾條, 不過都係集中在額頭, 果然!!
唯有立即買返幾斤蕃薯黎補補!
***23/7/2020 後記: 遲黎的月經食左中藥後係有黎但又變左成日黎, 即係17-20日又黎一次咁幾個月, 咁我都係走去照超聲波+BODY CHECK癌指數(好彩無事), 咁我都費事食中藥調黎調去, 反而呢兩個月都係變返24/25日到來經叫似番D樣....希望遲些可以變返27/28日啦, 成日來經真係好麻煩架!
沒有留言:
張貼留言