保健員實習考試

考完保健員實習試了, 真的令人筋疲力盡, 我們一班二十多人 (本來應該三十人, 有幾個DROP OUT了), 由九點半開始考到七時, OVERRUN了.

有三部份, 量度生命表徵, 派藥, 以及八選一, 三部份都要合格, 肥左一次可以即日重考, 再肥就無得再求情了

我報讀係觀塘果間百X, 主要教實習個阿SIR人好, 也好有心, 但係唔夠操考試/MARKING SCHEME MODE,

1. 好似量度生命表徵要用酒精試紙抹拭電子温度計, 你都要睇埋及講埋酒精紙有無過期.
2. 量度血壓, 要放在手臂上2CM及膠帶放在肱動脈上, 你放好但無講都肥
3. 量度基線, 係由低向上每10度泵一下, 但我們用了COUNTER-CHECK的方法, 泵到最高放氣等度量跌下聽聲, 不過好在量得岩, 考官都PASS 我

派藥:
呢個以為簡單, 但係佢唔係三種藥在藥紙上都派曬,

1. 有一種是PRN藥(需要時服),
2. 還有一種是一日兩次,
3. 最 後是一日四次

咁叫你派下午四點藥. 以上兩個都唔需要派(PRN扮病人的同學夾好無唔舒服啦), 但係都要一核, 要派的就要三核五對. 我係派岩只派一粒, 但係我係第三核時以為放返藥櫃時才對, 所以MISS當我只核了二次, 咁就肥了我, 不過補考過關啦(算啦, 講到尾都係發台温)

八選一:
八選一要抽簽 因為之前考過的同學通水, 最長支簽係轉換體位, 這個其實比較簡單, 所以我也選了這個, 順利過關 (不過考曬後考官已反映, 應該會改一樣長度)

唔好以為易, 你以為做足最重要的步驟就合格, 其餘細節都係要計分, 如果有些步驟佢會提你係咪有野要做? 如果你記唔起真係SORRY, 又要肥

好似ERB 免費讀的考得十分嚴格, 唔提你就即肥, 報讀是要自己衡量啦~
不過要俾錢的也有二個同學唔合格, 總之唔好掉以輕心, 那兩個學也是有讀書的.....