四十歲起一個人住

由開始決定收樓自住, 裝修三個多月, 終於入伙啦, 哈哈, 雖然燈飾未裝, 床褥未送,
宜家傢俬昨日才訂, 不過真係急不及待了.

與家人關係疏離, 渴望自住不用面左左, 也厭倦了逛到他們瞓了才回家的日子, 不斷的消夜, 不斷找消費來填充這些時間. 也實在厭了發胖的身體.

當然自由的代價是做樓奴, 裝修後也差不多花盡積蓄, 不過大家也舒了一口氣, 可能關係會變好也說不定, 誰知道呢?

痰濕體質

接近新年爛面, 真的是有點潰爛那種, 看普通西醫沒有用, 有沒有時間約專科, 唯有急急去看開的師奶中醫求救. 不久前也吃了數劑, 好了不久又復發, 所以她除了開藥, 還叫我針灸, 當然是為了他的兒子拿生意啦. 不過咁, 她兒子針灸了也有數年, 也算細心, 又不介意送多你幾針, 雙管齊下中面又了不少.  可是新年又暴飲暴食, 又接近爛面邊緣, 昨天又急急去拮返針.

體質痰濕/濕熱/氣虛真係好慘, 唔戒口都唔得, 上網搜一下YOUTUBE視頻, 傅杰英教授講解一系列體質, 以下節錄一下痰濕需知:

• 冬吃蘿白夏吃姜
• 少咸(容易水腫)
• 少酸(生更多津液, 濕更嚴重)
• 少澀(苦寒)
• 少碰水果海鮮
• 少甜(不要喝飲料)
• 少用空調
• 多曬太陽, 熱水澡, 泡澡更好
• 可灸穴位: 脾俞, 胃俞, 足三里, 陰陵泉, 水分
• 可服中成藥: 參苓白朮散, 陳夏六君丸
• 秋天不進補, 夏天不吃冰

(後記: 如果看西醫, 政府醫生話係脂溢性皮膚炎, 開左D藥膏(我覺得無乜效), 而我後來點好返? 係戒糖戒加工JUNK FOOD, 後來曾嘗試生酮飲食, 戒糖戒澱粉1-2個月, 皮膚好左, 連經前的下巴瘡都無埋~)